- الغني والفقير شو رأيك بتوزيع الثروة في بلدك ؟ هل بتعتقد إنه فيه أغنيا كثير وفقرا كثير بس مش كثير ناس وسط ؟
- هوايات شو أكثر هواية بتحبوها و- -- وقديش بتقضوا وقت حتى تتابعوا هاي الهواية وبرأيكم هل كل واحد لازم يكون عنده هواية ؟
- التدخين شو هو رأيكم بحملات منع التدخين في الأماكن العامة ؟ وهل باعتقادكم فكرة الحملات والدعايات اللي بيعملوها لوقف التدخين بتخلي الناس تبطل تدخن ؟ وهل بتعتوا إنها فكرة جيدة ؟
- الجرائم فيه جرائم بالبلد اللي إنت عايش فيه ؟ شو نوع هالجرايم ؟ هل هي جرائم قتل أو سرقة أو شو نوعها ؟ فكركم الجرائم عم بتزداد ؟ إذا كانت عم بتزداد شو هو السبب برأيكم ؟
- صفات العرب شو أحسن عادة في المجتمع العربي وشو أسوأ عادة؟ مثلاً هل بتعتقد إنه الكرم هو أحسن صفة عند العرب؟ شو أسوأ صفة؟ هل بتعتقد مثلاً إنه المظاهر أسوأ صفة؟ شو أحسن وأسوأ شي عند العرب بالنسبة إلك؟
- مشكة زواج الشباب عم بنشوف إنه الشباب والبنات ما عم بيتزوجوا إلا بعمر كبير أو حتى مش عم بفكروا بهيك موضوع هذا كله بسبب قلة الشغل والمصاري برأيك في حل لمثل هيك مشكلة وشو ممكن يصير بالشباب بعد أكثر من هيك ؟
- أمانيك إذا كان عندك ثلاث أمنيات شو بيكونوا ؟
- الإستراحة والتسلية لما بيكون عندك ساعات فراغ أو في نهاية الإسبوع وما عندك إلتزامات عمل شو بتعمل للتسلية وتقطيع الوقت؟ هالمناسبات بيشارك فيها أقارب أو أصدقاء أو بتكون بس مع أهل البيت أو بتكون لوحدك؟ كيف بتصير هالمناسبة؟
- دور المرأة في المجتمع شو رأيك بدور المرأة في المجتمع؟ فكرك المرأة لازم تظل بالبيت؟ وتدير بالها عالولاد أو لازم تشتغل وتدير بالها عالولاد ؟
- التعليم هل بيستعملوا الكمبيوتر في التعليم في بلدكم؟ شو رأيكم باستعمال الكمبيوتر في التعليم؟ هل هو بيحسن أو بيظر التعليم ؟
- شريك الحياة شو أهم شي بيهمك يكون في شريك حياتك ؟
- العائلة شو بتعني العائلة بالنسبة إلك؟ وشو بتفضل العائلة الكبيرة أو العائلة الصغيرة؟ كم ولد بتحب يكون عندك أو عندك حالياً وشو اللي خلاك تفكر بهالعدد ؟
- السياحة الداخلية إذا حدا بده يزور بلدك وين بتقول له يروح؟ أي مناطق سياحية بتقول له يزورها؟ شو أحلى شي ببلدك؟
- إمتحان الثانوية العامة كيف الطلاب بينقوا شو بدهم يدرسوا بس يخلصوا المدرسة؟ مثلاً في ^الأردن فيه امتحان التوجيهي اللي بيقرر الواحد حسب معدله شو راح يدرس فيه عندكم مثل هذا الإمتحان في بلدكم؟ شو رأيكم بهالإمتحان ؟
- الأعياد شو الأعياد المفضلة إلكم؟ وليش؟ ولو بتقدروا تعملوا عيد جديد شو بيكون؟ وكيف بتخلوا الناس يحتفلوا فيه؟
- أنواع المدارس أي نوع من المدارس إنت بتأيد أكثر المدارس المختلطة أو المدارس الغير مختلطة؟ يعني اللي فيها بس بنات أو بس شباب كيف كانت المدرسة اللي كنت رحت لها؟
- مصادر المعلومات من أي مصدر بتجيب معلومات أكثر من التلفزيون أو الإنترنت أو الصحافة أو المجلات أو الكتب؟ فيه ناس بيجيبوا معلوماتهم من الأصدقاء والمعارف شو المصدر اللي بتستعمله أكثر؟ وليش بتصدقه أكثر؟
- حوادث السيارات شو أسباب حوادث السيارات؟ كيف ممكن نقلل من حوادث السيارات؟ هل بتعتقد إنه مثلاً لازم ندرس أي شوارع هي أخطر شوارع؟ أو لازم الواحد بس يقلل سرعته؟ أو لازم الواحد ما يحكي على التليفون الموبايل وهو بيسوق؟
- الأعراس إحكي عن طقوس الأعراس في بلدك شو بتعملوا لما الواحد بده يتزوج؟هل بتعتقد إنه الناس بتصرف مصاري كثير عالأعراس؟
- الكتب بتقرا كتب؟ من أي نوع؟ شو آخر كتاب قريته؟ شو كان موضوعه؟ شو السبب اللي شجعك لتقراه؟
- الزوج والزوجة كل عيلة عندها طريقتها الخاصة في التعامل بين الزوج والزوجة إنت شخصياً كيف بتتصور شريك حياتك؟ كيف بتحبه يكون؟
- الحد الأدنى لدخل الموظف شو هو أوطى دخل ممكن ياخذه الشخص في البلد اللي إنت عايش فيه؟ مثلاً ب ^الأردن أوطى دخل هو ثمانين دينار هل بتعتقد إنه هذا الدخل كافي للشخص يعيش عليه؟ إذا بدنا نحكي للحكومة إنها ترفع الدخل الأدنى قديش فكرك لازم ترفعه حتى الواحد يعيش مرتاح؟
- موسيقى شو أنواع الموسيقى اللي بتسمعها؟ الكلاسيكي أو الطرب العربي القديم أو الموسيقى الشبابية أو الموسيقى الغربية؟ أي نوع منها؟
- المستشفى لما الواحد بيدخل عالمستشفى بيصير يفكر بإشيا كثيرة وبيتغير عليه إشيا كثيرة بتعرف حدا فات مستشفى؟ شو كان مرضه؟ وشو كانت خبرته في المستشفى؟ شو عجبه بهالمستشفى؟ وشو الاشياء اللي انزعج منها؟
- التلفزيون شو هي أنواع برامج التلفزيون اللي بتحب تشوفها أكثر شي؟ شو أنواع الأفلام والمسلسلات؟ بتشوفها عالستلايت أو على المحطات الأرضية؟ شو اللي بيعجبك واللي ما بيعجبك عن التلفزيون؟ شو رأيك بالبرنامج مثل (أجنبي) وهل بتختلف عن غيرها بشي؟ :
- السفر بالسيارة في ناس بيسافروا لمحلات قريبة ومحلات بعيدة بالسيارة في كثار راحوا لأوروبا بالسيارة شو رأيك بهالطريقة بالسفر؟ شو مشاكلها؟ وشو بتستفيد منها؟ شو هي المعاملات اللي لازم يعملها الواحد للسفر بالسيارة؟ في ناس سافروا بسيارتهم وناس سافروا مع أصحابهم وناس راحوا بالبوسطة شو رأيك إنت بهالموضوع؟
- المدرسة الثانوية كثار بيتذكروا إيام المدرسة الثانوية بالخير والمحبة وفي ناس ثانيين كانت ذكرياتهم في الثانوية سيئة شو ذكرياتك إنت من أيام المدرسة عن الدراسة والمعلمين والمدرسة نفسها؟ بتفكر تزورها مرة؟ في جمعية خريجين؟ إنت عضو فيها؟ أي نشاطات بتعملوا؟
- الضمان الإجتماعي نظام الضمان بيغطي كثير إشيا مثل التقاعد والأدوية وأتعاب الدكتور ومصاريف المستشفى وبيدفع مصاريف للولادة وغير ذلك استفدت من شي بالضمان؟ ناس بيقولوا إنه الضمان غالي كثير شو رأيك بهالنظام؟ وكيف ممكن إنه يتحسن؟
- اللياقة البدنية والصحة لأي حد بتأثر اللياقة البدنية على الصحة وشو معنى اللياقة البدنية؟ ضروري يصير الشخص رياضي؟ أو بيكفي يعمل بعض التمارين الخفيفة؟
- الطبخ شو هي أنواع الطبخ اللي بتحبوها أكثر شي؟ وأي بلاد عندها أحسن مطبخ؟ شو بيميز كل طريقة طبخ عن الثاني؟
- التعليم والوظيفة برأيك شو أهمية الشهادة لما بتفتش عن وظيفة؟ صحيح إنه الشهادة الجامعية عم بتصير ضرورية للنجاح في العمل؟ هذا صحيح بكل الحالات؟ أو فيه ناس من جيلك نجحوا بدون شهادات جامعية؟ شو هي ظروف النجاح والفشل مع وبدون شهادات؟
- طبيب الأسنان أكثر الناس بقولوا إنه زيارة طب- -- طبيب الأسنان مزعجة لإنه بيستعمل آلات مثل الخر بر وملاقط وغيرها بيسبب وجع وانزعاج شو تجربتك مع حكيم الأسنان؟ وشو اكثر مرة تضايقت عنده؟ شو صار؟
- الضريبة المضافة ممكن تزيد الضريبة المضافة أكثر وبده يظل الشعب ساكت على هالموضوع اللي بيرجع العالم لورى وما بيخلي الإنسان يفكر إلا كيف يأمن حاجاته اليومية يمكن يقدر ويمكن لأ شو رأيك بالضرائب بشكل عام ؟
- التغذية والصحة شو علاقة التغذية بالصحة؟ شو الإشيا اللي بتعمل فرق في القيمة التغ- -- الغذائية بين أكلة والثانية؟ شو مصدر المعلومات عن هالإشيا؟ وكيف بتحصل عليها؟
- اللباس والمظهر هل بتعتقد إنه مظهر الإنسان من خلال لباسه بيعطي فكرة حقيقية عن الشخص؟ ولا ممكن تنخدع بمظهر شخص؟
- فتح عمك شخصي إذا صار وفتح واحد منكم مشروع شخصي وبدون ما نتطرق للناحية المادية شو نوعية العمل اللي راح تختاروها؟ وكيف راح تنفذوه؟ وإذا نفذتوه هل بتكونوا واثقين من نجاحه؟
- تبرع مجهول إذا صار وانعرض عليك مليون دولار من تبرع شخص مجهول كيف بتتصرف فيه؟
- نظام المدارس العامة إذا صار وقمت بمناقشة حول نظام التعليم العام برأيك الشخصي شو أكثر مشاكل بيواجهها التعليم العام في مراحله المختلفة؟ وشو هي إقتراحاتك لمعالجة هذه المشاكل؟
- مشاكل الشباب شو هي العقبات السياسية والإجتماعية والإقتصادية اللي بيواجهها الشباب في الشرق الأوسط ؟
- الغلاء برأيك الغلا وقلة المعاشات شو ممكن يسببوا مشاكل؟ وكمان هل ممكن إنه تستمر أكثر مما هي؟